नेपाली राजनिती,

काठमाडौं ।

नेकपा एमालेका केन्द्रिय सदस्य एवं संघिय सांसद नविना लामाले नेपाली कांग्रेसले आफुलाई लोकतान्त्रिक पार्टी हो भनेर प्रमाणित गरेको र महाधिवेशन प्रतिनिधिहरु झनै लोकतान्त्रिक भएको भएर आफुलाई खुशि लागेको बताएकी छिन ।

उनले सामाजिक संञ्जाल फेसबुकबाट उपसभापतिमा विजयी धनराज गुरुङ, महामन्त्रीमा विजयी गगन थापा र विश्वप्रकाशलाई बधाई तथा कार्यकाल सफलताको शुभकामना दिदै यस्तो बताएकी हुन ।

गगन थापा, विश्वप्रकाश शर्मा र धनराज गुरुङहरु नेपाली राजनीतिको आकर्षण नेताहरु भएको र उनीहरुको विजयले युवाहरुले गर्व गरेको बताएकी छिन ।लोकतान्त्रिक परिपाटीमा निर्वाचन सुन्दर पक्ष भएको र हार जीत स्वभाविक हुने बताएकी छिन ।

उनी लेख्छिन-नेपाली कांग्रेस लोकतन्त्रीक पार्टी हो भनेर प्रमाणित गरेर देखाउनु भयो ।अनि प्रतिनिधीहरु झनै लोकतांत्रिक रहेछ धेरै खुशी लाग्यो । लोकतांत्रिक परिपाटीमा निर्वाचन सुन्दर पक्ष हो र हार जीत स्वभाविक हुन्छ। माननीय गगण थापा दाई ,विश्व प्रकाश शर्मा दाई र धनराज गुरुंग दाईहरु नेपाली राजनीतिको आकर्षण नेताहरु हुन । यो उहाँहरुको विजयले युवाहरुले गर्व गरेको छ । हार्दिक बधाई तथा कार्यकाल सफलताको शुभकामना ।

कांग्रेसको १४ औं महाधिवेशनबाट गगन थापा र विश्वप्रकाश शर्मा महामन्त्री पदमा विजयी भएका हुन् । शेखर कोइरालाको प्यानलबाट महामन्त्रीमा उम्मेदवार बनेका थापाले सबैभन्दा बढी ३०२३ मत ल्याएर महामन्त्रीमा निर्वाचित भएका हुन् ।

त्यस्तै, १९८४ मत ल्याउँदै दोस्रो स्थानमा रहेर विश्वप्रकाश शर्मा पनि महामन्त्रीमा निर्वाचित भए । केन्द्रीय निर्वाचन समितिले भने मतपरिणामको औपचारिक घोषणा गर्न बाँकी छ ।

प्रकाशशरण महत १५५० मतसहित तेस्रो स्थानमा रहे । प्रदीप पौडेल भने १४०९ मतसहित चौथो स्थानमा रहे। त्यस्तै मीनेन्द्र रिजालले ८०९ मत प्राप्त गरे । त्यस्तै राजाराम कार्कीले १०७ मत प्राप्त गरेका छन् ।

यसैबीच मीनेन्द्र रिजालले रक्षामन्त्रीबाट राजीनामा दिने घोषणा गरेका छन् । महामन्त्रीको प्रारम्भिक मतपरिणाम आएसँगै उनले राजीनामाको घोषणा गरेका हुन् ।

महत र पौडेल संस्थापन प्यानलबाट उम्मेदवार बनेका हुन् भने रिजाल र थापा भने कोइराला प्यानलका उम्मेदवार हुन् । त्यस्तै शर्मा प्रकाशमान सिंहको प्यानलबाट उम्मेदवार बनेका थिए ।

त्यस्तै कार्की भने विमलेन्द्र निधिको प्यानलका उम्मेदवार हुन् । सभापतिमा पहिलो चरणमा कसैले पनि ५० प्रतिशत मत कटाउन नसकेपछि दोस्रो चरणमा गएको थियो । दोस्रो चरणमा सिंह र निधिले देउवालाई समर्थन गरेका थिए ।

सभापति र उपसभापतिको भने मतगणना भइसकेको छ । सभापतिमा शेरबहादुर देउवा, उपसभापतिमा पूर्णबहादुर खड्का र धनराज गुरुङ निर्वाचित भइसकेका छन् सोमबार भृकुटीमण्डपमा भएको मतदानमा कुल ४ हजार ६ सय ७९ मत खसेको थियो ।कांग्रेसमा यसपटक सभापतिसहित १३४ पदमा निर्वाचन भएको छ । दैनिक नेपाल न्युजमा यो खबर छ ।