काठमाडौं ।

नेपाली काँग्रेसले प्रधानमन्त्री केपी शर्मा ओलीलाई विश्वासको मत नदिने निर्णय गरेको छ ।

काँग्रेस सभापति शेरबहादुर देउवाको निवास बूढानीलकण्ठमा बसेको पदाधिकारी तथा शीर्ष नेताहरुको बैठकले ओलीलाई विश्वासको मत नदिने र ओलीले लिने विश्वासको मतलाई विफल बनाउन अरु दलसँग पनि छलफल गर्ने बैठकले निर्णय गरेको काँग्रेस सहमहामन्त्री डा प्रकाशशरण महतले रातोपाटीलाई बताए ।

प्रधानमन्त्री ओलीले वैशाख २७ गते विश्वासको मत लिने प्रयोजनका लागि प्रतिनिधिसभा बैठक बोलाएका छन् । सो बैठकलाई माओवादीले पनि राम्रो उद्देश्यले नबोलाइएको ठहर गरेको छ ।

मंगलबार पार्टी कार्यालय कोटेश्वरमा बसेको माओवादीको स्थायी समिति बैठकले २७ गतेको प्रतिनिधिसभा बैठकको राजनीतिक आशय र उद्देश्य राम्रो नरहेको निष्कर्ष निकालेको थियो ।

 

यो पनि

भाइकाजी तिवारीको म्याद थपिएन, उपत्यका विकास प्राधिकरणमा जानुका ढकाल नियुक्त

सरकारले काठमाडौं उपत्यका विकास प्राधिकरणको आयुक्तमा नवनारी पत्रिकाकी सम्पादक जानुका ढकाललाई नियुक्त गरेको छ ।

भाइकाजी तिवारीको म्याद थप नगरेर उनको ठाउँमा ढकाललाई नियुक्त गरिएको हो ।

नवनियुक्त आयुक्त ढकालको माइती झापा हो । घरचाहिँ गुल्मी हो ।

बाहिरी रिङरोड परियोजनासमेतको नेतृत्व गर्ने प्राधिकरणमा अनुभवहीन व्यक्तिलाई नियुक्त गरिएको भन्दै प्राधिकरणका कर्मचारीहरुमा असन्तुष्टि देखिएको छ ।

रातोपाटी