पूर्वमिस नेपाल शृङ्खला खतिवडा बिभिन्न कारणले चर्चामा छाइरहने गर्छिन् । समाजसेवादेखि प्रेमसम्म उनको चर्चाको विषय बन्ने गरेको छ ।

भ्लगर सिसन बानियाँसँगको उनको प्रेम मिडियादेखि सामाजिक सञ्जालसम्म नलुकेकै विषय हो । तर दुवैले सार्वजनिक रुपमा भने अहिलेसम्म प्रेम स्वीकारेको छैनन् ।

बेलाबेलामा रियालिटी शोमा समेत चर्चाको बिषय बन्ने उनीहरुको प्रेमलाई धेरैले ओपन–सेक्रेट भन्ने गरेका छन् । जसलाई शृङ्खलाले समेत स्वीकार गरेकी छन् ।

केही दिन अगाडि एक टेलिभिजन कार्यक्रममा अतिथिको रुपमा पुगेकी उनले सो कार्यक्रममा पनि प्रेमको विषय ओपन सेक्रेट नै राखिरहेको बताइन् ।

कार्यक्रममा उनलाई सिसनसँगको प्रेमबारे प्रश्न समेत सोधियो । जवाफ भने उनले भनिन् ‘समय आएपछि भन्छु । यो विषय अहिले ओपन सेक्रेट नै राखिरहेको छु ।’

प्रेमबिना जीवन खल्लो हुने समेत कार्यक्रममा बताएकी उनले विवाहको बारेमा भने केही बोलिनन् ।

 

यो पनि

हाँसो लामो आयूको कारण हो र स्वस्थ्य जीवनशैलीलाई चाहिने अत्यावश्यक ओखती । आफ्नै पारामा हास्यव्यङ्ग्यको ठाडो शैलीलाई समातेर नेपाली युवापुस्ता माझ सर्वप्रिय बनेको ‘नेपग्याजम कमेडी’ समूहले सोलूको सगरमाथास्थित कालापत्थरमा पुगेर स्ट्याडअप कमेडी प्रस्तुत गर्ने भएको छ ।

‘प्रदुषणरहित समाजको परिकल्पना, हर अनुहारमा मुस्कान नेपग्याजमको चाहना’ भन्ने नारासहित नेपग्याजम मिडिया एण्ड प्रोडक्सन प्रालिले कार्यक्रम आयोजना गर्न लागेको यस कार्यमा नेपालको हेलिकप्टर सेवामा अग्रणी “सिम्रिक एयर” को हेलिकप्टरले उडानका लागि साथ दिएको छ । “जमिनमा सर्वाधिक उचाईको स्ट्याण्डअप कमेडी शो – Highest Altitude STAND-UP COMEDY Show Gig on Land” शिर्षकमा विश्व किर्तिमान कायम गर्ने लक्ष्यका साथ आयोजना गर्न लागिएको हो ।
कार्यक्रम आगामी वैशाख २० गते मे ३, २०२१ का दिन विश्वकै सबैभन्दा उच्च शिखर सगरमाथाको फेद कालापत्थरमा संचालन हुनेछ ।
यसअघि यही विधामा इटालियन नागरिक पाउलो फ्रानसेस्चिनीले २५ अप्रिल २०१९ मा सगरमाथा आधारशिविर ५,२७० मिटरमा स्ट्यान्डअप कमेडी गरेर गिनिज बुक अफ वर्ल्ड रेकर्डमा नाम लेखाएका थिए।

नेपग्याजमले पाउलोको यो रेकर्ड तोड्न कालापत्थरको ५,६४३ मिटरको उचाईँमा स्ट्यान्डअप कमेडी प्रस्तुत गर्न लागेको हो । त्यसका लागि आफ्ना दुई स्टयाण्डअप कमेडीयनलाई प्रस्तुत गर्नेछ । कमेडी प्रस्तुतीका लागि नेपग्याजमले गिनिज बुक अफ वर्ल्ड रेकर्डबाट अनुमति समेत पाइसकेको छ।

“नेपग्याजमका संस्थापक कलाकारद्वय उमेरकुमार गौतम (युकेजी) र लेखमणी त्रिताल (रमेश अंकलको छोरो)ले स्ट्याण्डअप कमेडी प्रस्तुत गर्नेछन् । उनीहरुले स्वस्थ मनोरञ्जनात्मक सामाग्री समेटिएको तीस-तीस मिनेटको दुईवटा स्ट्याण्डअप कमेडी प्रस्तुत गर्ने कार्यक्रम रहेको छ”, नेपग्याजमका संस्थापक निर्देशक सरद श्रेष्ठले बताए ।

“हामी उत्साहित छौं, नेपाली हास्य व्यङ्ग्यको स्तर अन्तराष्ट्रिय मनोरञ्जन बजारमा पुर्र्याउनु र प्रदुषण रहित विश्व समाजको सन्देश बोकेको यस कार्यक्रमका लागि ८ जनाको टोली सिम्रिक एयरको हेलिकप्टरमार्फत् कालापत्थर पुग्ने र त्यहाँ पुगेर स्वस्थ्य मनोरञ्जन पस्किने हाम्रो तयार रहेको छ, हामीले यसका लागि सम्पूर्ण तयारी पुरा गरिसकेका छौं”, नेपग्याजमका अर्का संस्थापक निर्देशक ज्ञानेन्द्र राज मिश्रले बताए ।

कलाकार गौतमले विश्वकै अग्लो भूभागमा प्रस्तुती दिने कुरा आफ्नो लागि मात्रै नभई सबै नेपालीका लागि गर्वको कुरा भएको बताए । कोरोना महामारीकाबीच विश्वलाई हसाउने चाहना रहेको बताउँदै उनले भने, “कठिनाइ भएपनि नेपालीको माया नै हाम्रोलागि अक्सिजन झै भएको छ ।” सबैको साथ सहयोगले आफूहरुको मनोवल उच्च भएको उनको भनाइ छ ।

यस्तै अर्का कलाकार त्रितालले कोरोना, राजनैतिक खिचातानी, बेरोजगार जस्ता समस्याले तनावपूर्ण अवस्थामा केही सुखद समाचार दिउँ भन्ने चाहनाका साथ प्रस्तुती दिन लागेको बताए । उनले भने, “यो नेपालीका लागि गौरवको कुरा हो, सम्पूर्ण नेपग्याजम कमेडीप्रेमी फ्यानहरुको मायाले हामीलाई थप ऊर्जा मिलेको छ ।

कार्यक्रमको मुख्य प्रायोजन अष्ट्रेलियास्थित “अल्टिमेट इन्स्टिच्यूट अफ अष्ट्रेलिया” तथा “निन्जा”को रहेको छ । इन्स्योरेन्स पार्टनर “सूर्या लाइफ इन्स्योरेन्स”, हेलिकप्टर पार्टनर “सिम्रिक एयर” हुन् भने सह-प्रायोजन “Jagdamba Motors – TVS” तथा “MNTV Australia” रहेका छन् ।

प्रतिक्रिया

सम्बन्धित खवर

ताजा समाचार

लोकप्रिय