शुक्रबार , फागुण ११, २०८०

बेलायतमा भएको सवारी दुर्घटनामा मेजर गणेश राईको निधन भएको छ । नोभेम्बर २९ बुधबार दिउँसो करिब सवा १ बजे एम थ्री जंक्सन फाइब हुन नजिकै भएको दुर्घटनामा उहाँको निधन भएको हो ।

 

बेइजिङस्टक गजेटका अनुसार शुरुमा राईले हाँकिरहेको बीएमडब्ल्यू र अर्को कार ठोक्किएपछि दुवै कार मूलबाटो छोडेर किनारामा रोकिएको थियो । आफ्नो कारबाट बाहिर निस्केको बेला मालबाहक ट्रकले हानेर राईको मृत्यु भएको बताइएको छ । प्रहरीले सो घटनाका बारेमा सिसिटिभी फुटेज कसैसँग भए उपलब्ध गराउन अपील गरेको छ ।

 

भोजपुर पुर्ख्यौली घर र आर्मी नम्बर २११६८८६० भएका ५० वर्षीय राई टुआरजीआरमा कार्यरत थिए । ३२ वर्ष सेवा गरेपछि उनी केही महिनाअघि मात्र सेवाबाट अवकास पाएका थिए । उनी हाल ब्राकनेलमा बस्दै आएका थिए । उनको श्रीमती र दुई छोरी रहेका छन् ।

 

किरात राई यायोख्याका कार्यबाहक महासचिव ईश्वर चाम्लिङ राईका अनुसार मेजर गणेश राई कला, साहित्य र संगीत भनेपछि हुरुक्क हुने स्वभावको हुनुहुन्थ्यो । आफैँ बजाउने, गाउने र नाच्ने बहुमुखी प्रतिभा उहाँको थियो ।

आपसमा फरक फरक विचार हुन्छ तर सबैलाई काम गर्न सक्ने साझा मञ्च बनाउन सकिन्छ भन्ने उहाँको प्रयास रहने गरेको चाम्लिङ स्मरण गर्नुहुन्छ ।

प्रतिक्रिया

सम्बन्धित खवर

ताजा समाचार

लोकप्रिय