एमाले बैठक बस्दै, ओली कठोर निर्णयको तयारीमा

काठमाडौं।

नेकपा एमालेको बैठक आज बस्दैछ । एमाले आयोजक कमिटी बैठकले अनुशासनसम्बन्धी कारबाहीका महत्वपूर्ण निर्णयहरु लिने बुझिएको छ ।

कर्णाली प्रदेशमा फ्लोर क्रस गर्ने नेताहरुमाथि कारबाहीको निर्णय गर्ने निश्चितप्रायः छ । आयोजक कमिटी सदस्य प्रकाश ज्वाला कारबाहीमा पर्ने बुझिएको छ ।

विश्वस्त स्रोतका अनुसार कर्णाली प्रदेशमा फ्लोर क्रसको निर्देशन दिएको भन्दै माधवकुमार नेपाल र भीम रावलमाथि थप कारबाहीको तयारी भएको छ ।

आजको बैठकबाट प्रधानमन्त्री समेत रहेका एमाले अध्यक्ष केपी शर्मा ओलीले अनुशासनसम्बन्धी कडा कदमहरु चाल्ने तयारी गरेको बुझिएको छ ।

यसअघि पार्टीबाट निलम्बित केही नेताहरुमाथि थप कारबाहीको तयारी भएको छ ।

यसैगरी, एमाले बैठक रोक्न एउटा पक्षले आग्रह गरेको छ । केन्द्रीय अनुशासन आयोगका अध्यक्ष अमृतकुमार बोहराले पार्टी विधान विपरित आयोजक कमिटी बनाएको भन्दै आज बोलाइएको उक्त कमिटीको बैठक तत्काल रोक्न आग्रह गरेका छन् ।

उनले उत्तेजना, आवेग र अभिमान हावी भएर कुनै पनि निर्णय गर्न नहुने प्रस विज्ञप्तीमार्फत् भनेका छन् ।

बोहराले बैठकबाट ओलीले कठोर निर्णय लिन सक्ने बुझेर बोहराले रोक्न आग्रह गरेका हुन् । उनले २८ फागुन २०७७ को ओलीले गरेको निर्णय समेत फिर्ता गर्न भनेका छन् ।

२०७८ बैशाख ६, सोमबार ०९:४३ गते 0 Minutes 105 Views

नेपाली राजनीतिमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ । हामीसँग तपाईं फेसबुकट्विटरमा पनि जोडिन सक्नुहुन्छ ।

ताजा समाचार