ज्योतिष शास्त्रबाट मानिसको भविष्यका बारेमा मात्र होइन उसले धारण गर्ने वस्त्रले त्यसमा कस्तो प्रभाव पार्छ भन्ने विषयमा पनि जानकारी पाउन सकिन्छ ।

यदी जन्मकुण्डलीमा केही ग्रह दोष रहेको छ भने मानिसमा त्यसको असर देखिएकै हुन्छ ।

ग्रह दोषका कारण मानिसले जति पैसा कमाए पनि बचत नहुने सम्भावना रहन्छ । ग्रह दोषबाट टाढा रहनका लागि कयौं उपायहरु रहेका छन् ।

यी उपायहरुबाट ग्रह अनुसार अशुभ प्रभावहरुमा कमी आउन सक्छ र, कयौं सकरात्मक फल प्राप्त हुने विश्वास गरिन्छ ।

सामान्यतया मानिसहरुले पैसा राख्नको लागी ‘पर्स’ बोक्ने गर्छन् । त्यस्तो पर्सले पनि राशि अनुसार प्रभाव पार्ने गर्छ ।

राशि अनुसार पर्स बोक्नुभयो भने त्यसले पक्कै सकारात्मक प्रभाव पार्ने ज्योतिषाचार्यहरु बताउँछन् ।

तपाइको राशि अनुसार कुन पर्स बोक्दा राम्रो ?

मेषः

यो राशिका मानिसहरुले रातो पर्स वा मरुन रंगको पर्स बोक्दा राम्रो हुनेछ । यस राशिको स्वामी मंगल हो, मंगलको प्रिय रंग रातो हो ।

वृषः

वृष राशिको स्वामी ग्रह शुक्र हो । अतः यस राशिका मानिसहरुले शुक्रसँग सम्बन्धीत रंग सेतो वा चम्कीलो सिल्भर कलरको पर्स बोक्नु उत्तम हुन्छ ।

मिथुनः

यस राशिका मानिसहरुको लागि हरियो रंग लाभदायी मानिन्छ । मिथुन राशिको स्वामी बुध हो र बुधको प्रिय रंग हरियो हो ।

कर्कटः

यस राशिको स्वामी चन्द्र हो । चन्द्रको प्रिय रंग सेतो वा सादा रंग हुने गर्छ । अतः कर्कट राशिका मानिसहरुले सेतो वा फिक्का रंगको पर्स बोक्नु फलदायी हुन्छ ।

सिंहः

सिंह राशिको स्वामी सूर्य हो । सूर्यलाई उर्जाको प्रतिक मानिन्छ । यसको प्रिय रंग रातो, पहेलो र खैरो हो । त्यसैले सिंह राशिका मानिसहरुले यस्ता रंग भएका पर्स बोक्नु उचित हुन्छ ।

कन्याः

कन्या राशिको स्वामी बुध हो । बुध ग्रहको प्रिय रंग हरियो हो । अतः यस कन्या राशिका मानिसहरुले हरियो रंगको पर्स बोक्नु फाइदाजनक हुन्छ ।

तुलाः

यस राशिका मानिसहरुले सेतो रंग वा चम्कीलो रंगको पर्स बोक्नु लाभदायी हुन्छ । तुला राशिको स्वामी शुक्र हो । र, शुक्र राशिका सेतो रंग उचित हो ।

वृश्चिकः

विश्चिक राशिको स्वामी मंगल हो । मंगलको प्रिय रंग कलेजी रंग हो । अतः यस राशिका मानिसहरुले कलेजी रंगको पर्स बोकेमा लाभदायी हुनेछ ।

धनुः

धनु राशिको स्वामी ग्रह बृहस्पति हो । देव गुरु बृहस्पतिको प्रिय रंग पहेलो हो । अतः यस राशिका मानिसहरुले पहेलो रंगको पर्स बोक्नु फलदायी हुन्छ ।

मकरः

मकर राशिका मानिसहरुले निलो अथवा कालो रंगको पर्स बोक्नु उत्तम हुनेछ । यस राशिको स्वामी शनि हो । शनिको प्रिय रंग निलो र कालो हो ।

कुम्भः

जुन मानिसहरुको राशि कुम्भ रहेको छ, उनीहरुले निलो, कालो वा कुनै गाडा रंगको पर्स बोक्नु लाभदायी हुनेछ । यस राशिको स्वामी शनि हो । र, यस प्रकारको रंग शनिको प्रिय रंग हो ।

मीन:

मीन राशिको ग्रह स्वामी गुरु हो । गुरुको प्रिय रंग पहेलो हो । त्यसैले मीन राशिका मानिसहरुले पहेलो रंगको पर्स बोक्नु अत्यन्त शुभ हुने छ ।