नेपाली राजनीति,

नेपाल कम्युनिष्ट पार्टी नेकपाका प्रचण्ड-नेपाल पक्षका अध्यक्ष पुष्पकमल दाहाल प्रचण्डले नेपाली कांग्रेस र आफूहरूका बीचमा समझदारी हुने विश्वास गरेका छन्।

लोकतन्त्र र संविधान रक्षाका लागि आफूहरू जतिसुकै लचिलो हुन पनि तयार रहेको कुरा देउवालाई भनेको पनि प्रचण्डले बताए।

कांग्रेस निरन्तर रूपमा लोकतान्त्रिक प्रणालीमा रहेकोले प्रधानमन्त्री केपी शर्मा ओलीको प्रतिनिधि सभा विघटन गर्ने अलोकतान्त्रिक कदम विरूद्धमा कांग्रेससँग आफूहरूको समझदारी हुने उनले बताएका छन्।

‘कांग्रेस पनि आन्दोलनमा छ। हामी पनि आन्दोलनमा छौं। मुलभूत रूपमा कुरा मिलेकै छ,’ उनले भने, ‘जहाँसम्म निर्वाचनको कुरा हो एक वर्षपछि चुनाव हुन्छ त्यसमा कुनै ठाउँमा प्रतिस्पर्धा कुनै ठाउँमा तालमेल गरौंला। संविधान बच्यो भने राजनीतिक पार्टी खेल्ने मैदान त बाँकी नै रहन्छ।’

प्रचण्डले मंगलबार बेलुकी पत्रकार ऋषि धमलासँग जनता जान्न चाहन्छन् कार्यक्रममा अन्तर्वार्ता दिँदै केही दिनमा लोकतान्त्रिक शक्तिहरू एक ठाउँमा उभिने पनि बताएका छन्। संविधानको हत्या भयो भने विद्रोह र विरोध भइरहने उनको भनाइ छ।

केही दिनअघि प्रचण्ड र माधवकुमार नेपालले देउवालाई भेटेका थिए। उक्त प्रसंगमा प्रचण्डले आफूहरू, कांग्रेस र जसपा संविधान र लोकतन्त्र बचाउन मिलेर जानुपर्ने बताएका छन्।

आफू संसदीय दलको नेता भए पनि प्रधानमन्त्री हुनुपर्छ भन्ने नरहेको प्रचण्डले बताए।

‘मुख्य काम संविधान बचाउने हो,’ उनले भने, ‘फेरि प्रधानमन्त्री म दावी गर्दिनँ। संसद पुनर्स्थापना भयो भने शेरबहादुर देउवाजीलाई प्रधानमन्त्री स्वीकार्न मलाई केही अप्ठ्यारो छैन। पहिले पनि देउवालाई प्रधानमन्त्री बनाएकै हो।’

केपी ओलीलाई भित्तामा पुर्‍याइदिन सक्छु : प्रचण्ड ( पुरै भिडियो सहित )

नेपालमा अहिले राजनैतिक अस्थिरता चलिरहेको छ । देश अहिले बिकास भन्दा पनि बिनास तिर लम्किरहेको छ ।

देश र जनता को पिर कसैलाई छैन । सत्ता र शक्ति को आडमा बसेर देश र जनता को रस चुश्न नेताहरु आतुर छन ।

हरेक दिन हरेक किसिमका रंग-बिरंगी प्रतिकृया अहिले नेपाली राजनीति मा चलिरहेका छन । यसरी नै एक आपसमा दोषारोपण गर्ने गरेका छन अहिले माधव कुमार नेपाल, प्रचण्ड र केपी शर्मा ओलीबिच ।

अहिले पछिल्लो समयमा प्रचण्डले दिएको भाषणमा प्रधानमंत्रीलाई आफुहरु छुट्टाएको मा धन्यवाद व्यक्त गरेका छन र भनेका छन “केपी ओलीलाई भित्तामा पुर्याइदिन सक्छु ”

त्यतिमात्र भनेनन , कुरामा कुराथप्दै भने “मैले अब कसैसँग केहि सोध्नै परेन मलाई बहुमतको मोर्चाको अध्यक्ष बनाउनुभएकोमा धन्यवाद ”

थप भिडियो यहाँ हेर्नुहोस ।

प्रतिक्रिया

सम्बन्धित खवर

ताजा समाचार

लोकप्रिय