बिहिबार , फागुण १०, २०८०

सञ्‍चार तथा सूचना प्रविधि मन्त्रालयले ‘प्रेमगीत ३’को हिन्दी संस्करणलाई नेपाली फिल्म प्रमाणित गरे पनि सेन्सर पास भएको छैन।

 

सेन्सर पास नभएपछि ‘प्रेमगीत ३’को हिन्दी संस्करण रिलिज अन्योलमा रहेको फिल्मका वितरक मनोज राठीले बताए।चलचित्र विकास बोर्डले प्राविधिक कारण देखाउँदै फिल्म सेन्सरमा अल्झाएको छ। बोर्ड हिन्दी भन्यो तर सञ्चार मन्त्रालयले यसलाई नेपाली नै हो भनेर प्रमाणित गर्याे।

 

अब यसको प्रक्रिया कसरी अगाडि बढ्छ भन्नेमा विकास बोर्डको केही हात छैन,’ वितरक राठीले सेताेपाटीसँग भने।केही व्यक्तिहरूले डाहा गर्दै यो फिल्म धेरै चल्ला भनेर हिन्दी हो, चल्न दिनु हुँदैन भनेका थिए। तर मन्त्रालयले यसलाई नेपाली सरह नै हुन्छ भनेको छ।

 

केही कुराले फिल्म रिलिजको कुरा अन्योलमा छ। तर भोलि नभए पनि पर्सि रिलिज हुन्छ,’ उनले भने। प्रेमगीत ३’को नेपाली संस्करण सेन्सर पास भइसकेको छ। यसको हिन्दी डबलाई नेपाली मान्ने कि विदेशी भन्ने कुरामा लामो समयदेखि विवाद भइरहेको थियो।

 

बोर्डले यसलाई विदेशी फिल्म मान्दै १५ प्रतिशत कर तिर्ने भएपछि सेन्सरको अनुमति दिएको थियो। तर मन्त्रालयले नेपाली कलाकार र नेपाली प्रविधिक प्रयोग गरिएको फिल्म भन्दै नेपाली फिल्म सरह नै मान्यता हो। फिल्मका निर्माता तथा निर्देशक सन्ताेष सेनले भने ‘प्रेमगीत ३’काे हिन्दी संस्करण साेमबारदेखि प्रदर्शन हुने बताएका छन्।

 

यो फिल्म विश्वव्यापी रूपमा १२०० पर्दामा एकसाथ प्रदर्शन हुँदैछ। फिल्ममा प्रदीप खड्का, क्रिस्टिना गुरुङ, सुनिल थापा, सन्तोष सेन, माओत्से गुरुङ, पुस्कर कार्की, प्रेम पुरी, अनुभव रेग्मी, योगिशा खत्री, जीवन भट्टराई, लक्ष्मी बर्देवालगायत कलाकारको अभिनय छ।

 

सन्तोष सेनको निर्माण तथा निर्देशनमा बनेको फिल्म ‘प्रेम गीत ३’ असोज ७ गतेदेखि प्रदर्शन हुँदैछ।

प्रतिक्रिया

सम्बन्धित खवर

ताजा समाचार

लोकप्रिय