बिहिबार , चैत्र १५, २०८०

नेकपा एमालेको सचिवालय बैठकले संसदीय चुनाव चुनौतीपूर्ण रहेको निष्कर्ष निकालेको छ।

 

चुनाव चुनौतीपूर्ण रहे पनि बहुमत ल्याउने गरी अघि बढ्नुको विकल्प नरहेको अध्यक्ष केपी शर्मा ओलीले बताएका छन्।

 

बिहीबार पार्टी कार्यालय च्यासलमा बसेको सचिवालय बैठकमा बोल्दै अध्यक्ष ओलीले संसदीय चुनावमार्फत् सरकारबाट कांग्रेसको नेतृत्वलाई बिदाइ गर्ने गरी अघि बढ्नु पर्ने धारणा राखेका हुन्।

ओलीले एमालेको बहुमत ल्याउने गरी आन्तरिक तयारीमा ध्यान केन्द्रित गर्नुपर्ने बताए। यसका निम्ति पार्टी प्रवेश अभियानलाई तीव्रता दिनुपर्ने उनको भनाइ छ।

 

एमालेको सचिवालय बैठकले चुनाव केन्द्रित अभियानका निम्ति अध्यक्ष ओलीकै नेतृत्वमा केन्द्रीय निर्वाचन परिचालन कमिटी गठन गरेको छ। यस कमिटीले निर्वाचन अभियानमा कहाँ कसलाई खटाउने भन्ने निर्णय लिनेछ।

 

निर्वाचन परिचालन कमिटीमा परिचालन कमिटीमा केन्द्रीय कमिटीका सबै सदस्य तथा केन्द्रीय निकाय र आयोगका पदाधिकारी रहनेछन्। परिचालन कमिटीमा जनसंगठनका अध्यक्ष र महासचिवसहित केन्द्रीय विभागका सचिव रहने छन्।

 

एमालेले चुनावी रणनीति तयारका निम्ति केन्द्रीय कमिटी बैठक पनि बोलाउने भएको छ। सचिवालय बैठकले भदौको ७, ९, १० र ११ गते केन्द्रीय कमिटी बैठक बोलाएको हो। केन्द्रीय कमिटी बैठकमा अध्यक्ष ओलीले राजनीतिक प्रतिवेदन पेश गर्नेछन्।

 

यस्तै, सचिवालय बैठकको निर्णयलाई केन्द्रीय कमिटीले अनुमोदन गर्नेछ।

प्रतिक्रिया

सम्बन्धित खवर

ताजा समाचार

लोकप्रिय