गाउँपालिका अध्यक्ष चढ्ने गाडी जल्यो

२६ साउन, घोराही । दाङको बंगलाचुली गाउँपालिका अध्यक्ष चढ्ने सरकारी गाडीमा अज्ञात समूहले आगजनी गरेको छ । गाउँपालिका अध्यक्ष भक्तबहादुर वली चढ्ने रा १ झ १५२ नम्बरको गाडीमा आगजनी भएको हो ।

गाउँपालिकाको वडा नम्बर ५ को कार्यालय परिसरमा पार्किङ गरेर राखेको गाडीमा शनिबार मध्यराति आगजनी भएको र आगोमा जलेर गाडी पूर्णरुपमा क्षति भएको दाङ जिल्ला प्रहरी प्रमुख एसपी बेलबहादुर पाण्डेले जानकारी दिए । आगो कसले र किन लगाएको हो भन्ने खुल्न नसकेको उनले बताए ।

बंगलाचुली रोल्पा जिल्लासँग सिमाना जोडिएको दाङको पहाडी क्षेत्र हो ।

आगजनी गर्नेको पहिचान हुन नसकेपनि विप्लव नेतृत्वको नेकपाले गरेको हुनसक्ने स्थानीय प्रशासनले अनुमान गरेको छ । नेकपाले केही दिन पहिले नै सरकारी गाडीहरु गुड्न नदिने घोषण गरेको थियो ।

२०७६ श्रावण २६, आईतवार ०४:३८ गते 0 Minutes 45 Views

नेपाली राजनीतिमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ । हामीसँग तपाईं फेसबुकट्विटरमा पनि जोडिन सक्नुहुन्छ ।

ताजा समाचार