काठमाडौं
नेकपा एमालेका उपाध्यक्ष बामदेव गौतमको केही दिनमै कित्ताकाट हुने भएको छ ।
एमालेको कुनैपनि पक्षमा नलागी तटस्थ भूमिकामा रहेका गौतम अब माधवकुमार नेपालसँग सहकार्य गरेर अगाडि बढ्ने टुंगोमा पुगेका छन् ।
गौतमनिकट स्रोतका अनुसार उनले वृहत कम्युनिस्ट एकताको मार्ग नछाडी माधवकुमार नेपालसँग सहकार्य गरेर बढ्ने भएका हुन् ।
उपप्रधानमन्त्रीसहित गृह मन्त्रालय पाए देउवा सरकारमा सहभागी हुने तयारीमा समेत गौतम रहेका छन् ।
माधव नेपाल, झलनाथ खनाल र बामदेव गौतम एउटै ठाउँमा उभिएर सकभर एमालेमा संघर्ष गर्ने नभए नयाँ दल दर्ता गरी अगाडि बढ्नेबारे समेत छलफल बढाएका छन् ।
वृहत्त कम्युनिस्ट एकताका नाममा माओवादी अध्यक्ष पुष्पकमल दाहाल प्रचण्डसँग पनि सहकार्य गरेर बढ्ने रणनीतिका साथ गौतम देखिएका छन् ।
एमाले अध्यक्ष केपी शर्मा ओलीसँग माधव नेपालको शक्ति संघर्ष हुँदा गौतम तटस्थ भूमिकामा रहेपनि ओलीको विपक्षमा थिए ।
उनले ओलीले गरेका निर्णयको खुलेर आलोचना गर्नुका साथै डाकेको बैठकहरु बहिष्कार गरेका थिए ।
Advertisement
यो खबर पढेर तपाईलाई कस्तो महसुस भयो ?
प्रतिक्रिया
सम्बन्धित खवर
